متن نوحه های اهل بیت عصمت و طهارت

حضرت زهرا علیها سلام
کلمات کلیدی :حضرت زهرا، حسین جان ای، نوحه
نظرات ()

سبک : حسین جان ای آبروی دو عالم

خداحافظ ای نور چشم پیمبر     آخار گوزیاشیم گوزلریم سنی گوزلر

آناسیز حسین سینه سین داغلار      حسین آغلیوب کائنات آغلار

زمین وزمان آغلار سنه دنیا منه زنداندی زهرا 

دییَر زینبون ای وای ننه دنیا منه زنداندی زهرا

 

کمکسیز علی داغیوه نئجه دؤزسون 

نئجه صبر ائدوب دلبریندن ال اوز سون

بو چرخون گوروم گویده اولدوزی سوزسون

الیمدن سنی روزگار آلدی                فراقون منی غملره سالدی

زمین وزمان آغلار سنه دنیا منه زنداندی زهرا

دییَر زینبون ای وای ننه دنیا منه زنداندی زهرا

 

یاناندا قاپی یاندی حیدر کرار

پوزوب حالیوی صدمه­ی در و دیوار

او بحرانیده باتدی سینه­وه مسمار

ائدوب دود غم شهری ظلمانی             توکولدی یره محسنون قانی

زمین وزمان آغلار سنه دنیا منه زنداندی زهرا

دییَر زینبون ای وای ننه دنیا منه زنداندی زهرا

 

عزیزیم اویان غملی حیدره سس وئر

یانور زینبون مرغ بی پره سس وئر

گوز آچ فاطمه بو یتیملره سس وئر

سن ئولدون ولی دشمنون قالدی        ایاقدان سنی قمچی لر سالدی

زمین وزمان آغلار سنه دنیا منه زنداندی زهرا

دییَر زینبون ای وای ننه دنیا منه زنداندی زهرا



نویسنده : مهدی شریفی
تاریخ : چهارشنبه ٢٠ دی ۱۳٩۱
زمان : ۸:۱٢ ‎ق.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا