کوچه های سینه زنی

متن نوحه های اهل بیت عصمت و طهارت

مصائب کوفه
ساعت ۸:۳٤ ‎ق.ظ روز چهارشنبه ٢٠ دی ۱۳٩۱  کلمات کلیدی: مصائب کوفه ، کلامی زنجانی ، کربلاده بو گئجه ، نوحه

سبک : کربلاده بو گئجه غوغا اولوب

گوردولر بیر قانلی باش قرآن اوخور

نیزه ده کهف آیه سین جانان اوخور

آرمان اِحیا اولوب                 کوفیان رسوا اولوب

 

بو حسینون باشیدی سر نیزه ده

 جلب ائدوب افکاری ذکر ایزده

اگلشوب محمل ده زینب غمزده

غم سرودین خواهر نالان اوخور

آرمان اِحیا اولوب                 کوفیان رسوا اولوب

 

قان توکن قومی او سس تحقیر ائدور

قلب لر مُلکین حسین تسخیر ائدور

قارداشین عشقین باجی تفسیر ائدور 

همصدا قرآن او هم­پیمان اوخور

آرمان اِحیا اولوب                 کوفیان رسوا اولوب

 

ایلوب احرار عترتین اشرار اسیر

دولت عشقه اولوب زینب سفیر

واردی مسئولیّتی سخت و خطیر 

ذکر یا سبحان و یا رحمن اوخور

آرمان اِحیا اولوب                 کوفیان رسوا اولوب

کلامی