کوچه های سینه زنی

متن نوحه های اهل بیت عصمت و طهارت

اربعین
ساعت ۸:۳٦ ‎ق.ظ روز چهارشنبه ٢٠ دی ۱۳٩۱  کلمات کلیدی: اربعین ، کلامی زنجانی ، کربلاده بو گئجه ، نوحه

سبک : کربلاده بو گئجه غوغا اولوب

دور حسینیم شامیدن موکب گلور          اربعینه غم چکن زینب گلور

جان حسین عطشان حسین           قبریوه   قربان    حسین

 

ای بو صحراده چاتان آمالینه         من  فدا  درباریوین  اجلانیه

دور  ایاقه  باخ  باجون  احوالینه         اهلبیتین  دیده ی  سیالینه

محرم   غم  کاشف مطلب  گلور

جان حسین عطشان حسین           قبریوه   قربان    حسین

 

یتدون عاشورا  گونی  سن مقصده     بیزدن  آیریلدی  باشون  سرنیزه ده

گلدیم  آردونجا  عزیزیم  غمزده      اول  یارالی  باشی  گوردوم  کوفه ده

نیزه ده  چون ماه در عقرب  گلور

جان حسین عطشان حسین           قبریوه   قربان    حسین

 

ایتدی  طاغیان  کوفه ده بحر  فساد     سالدی  زندانه  بیزی    ابن زیاد

نطق  ایدوب ویردیم  شعار   اعتقاد          یعنی  آئین  حسینی  زنده باد

گوردولر   احیاگر  مکتب  گلور

جان حسین عطشان حسین           قبریوه   قربان    حسین

 

حق  دیوب  خوار ایلدیم  بیگانه نی        خوفه  سالدیم  زاده  مرجانه نی

شامه  گیتدیم  تا  آلام  ویرانه نی      اوردا گوردوم شمعیله پروانه نی

اوخشادون  شمعه  که  وقت  شب گلور

جان حسین عطشان حسین           قبریوه   قربان    حسین

 

طوره  دوندردون  خرابه  منزلی         تاپدی  رونق  اهلبیتین  محفلی

گوردی، حل  اولدی  رقیه  مشکلی   خیر  مقدم  سویلدی  شیرین  دلی

جسم  عشاقه  او غمدن  تب گلور

جان حسین عطشان حسین           قبریوه   قربان    حسین

کلامی