متن نوحه های اهل بیت عصمت و طهارت

ورود به کوفه
کلمات کلیدی :نوحه، مصائب کوفه، حسین غفاری، آتدان یره چون دوشدی
نظرات ()

سبک : آتدان یره چون دوشدی 

ای نیزه نون اوستونده سلطانیم حسینیم وای

باشی کسیلن تشنه قربانیم حسینیم وای

ای نور چشم پیغمبر حسینیم

شاهنشاه یوم محشر حسینیم

 

گورجک یارالی باشون غش ائتدی اوغول سوزلار

آخدی هره بیر یانه آیدان گوزل اولدوزلار

چک قافله نی شامه ئولدوردی ئوزین قیزلار

اُل شامیده دلخسته مهمانیم حسینیم وای


داش دگدی جبینوندن عالملری یاندیردی

آئینه سبحانی القانه بویاندیردی

قانه بویانان مصحف قرآنی اوتاندیردی

زهرا دیدی آی قانلی قرآنیم حسینیم وای


آی تک گورونور باشون سر نیزه نون اوستونده

باشون آیا اوخشاتسام گر نیزه نون اوستونده

اولدوز گتیروبسن پس هر نیزه نون اوستونده

آغلار سیزه چشمان گریانیم حسینیم وای


گوردوم یارالی نعشون چوللرده قالوب قارداش

سنونده کی اوخلاری گورمیدی گوزوم ای کاش

ئوپدوم ال ایاقوندان توکدوم سینه وه گوز یاش

چاره ام ندی اولمادی درمانیم حسینیم وای

حسین غفاری



نویسنده : مهدی شریفی
تاریخ : شنبه ۱٩ مهر ۱۳٩۳
زمان : ۳:۱٢ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا