متن نوحه های اهل بیت عصمت و طهارت

دیر راهب
کلمات کلیدی :دیر راهب، نوحه، حسین غفاری، آتدان یره چون دوشدی
نظرات ()

سبک : آتدان یره چون دوشدی

گَل نطقه بیان ایله ای نور خدا کیمسن

پیکردن اولوب باشون لب تشنه جدا، کیمسن

ای سلطان عاشورا یابن زهرا

قربانون اولسون عیسی یابن زهرا

 

بیر عده خانم عورت گلمیشدی کلیسایه

سسلوردی بیری اوغلوم ناز ایلمه زهرایه

باشیم اوجالار عرشه سالسون باشیما سایه

آچ گوزلریوی ایله ثابت آنووا، کیمسن

 

کیم بیلدی روا قالسین باشسیز شهِ مظلومان

آیا نه گناه اوسته باشون کسیلوب عطشان

اولسون بو قوجا راهب عطشان لبووه قربان

کیم ایلدی آیاتِ قرآنه جفا، کیمسن

 

بیر قیز اوتوروب چولده گیسوسی پریشاندی

گوز یاشی جمالینده مرجان کیمی غلطاندی

مندن سنی ایستوردی قلبیم او قیزا یاندی

تضمین ایلیور وصلون بیماره شفا، کیمسن

 

معلوم اولونور سنده دریا کیمی صولت وار

نورانی جمالونده بیر آیری ملاحت وار

رخشنده جبینونده آثار جراحت وار

قانون ویریب اسلامه امضای بقا، کیمسن

 

بیر دسته پری باغلی پروانه وه قربانم

مریم کیمی عفت لی طفلانیوه قربانم

یوللاردا اولان خسته جیرانیوه قربانم

ایله منی حیرتدن لطفیله رها، کیمسن

حسین غفاری



نویسنده : مهدی شریفی
تاریخ : شنبه ۱٩ مهر ۱۳٩۳
زمان : ۳:۱٤ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا