متن نوحه های اهل بیت عصمت و طهارت

حضرت عباس
کلمات کلیدی :نوحه، حسین غفاری، حضرت عباس، ای کربلانون
نظرات ()

سبک: ای کربلانون ...

ای کربلانون ساقی عطشانی قارداش

آچ گوزلرون سن بیل رقیه ام جانی قارداش

گوزلر سنی اولدوزلاریم

قربانون اولسون قیزلاریم

ای وای اباالفضل    لای لای اباالفضل

 

زیبا آدوندور سینه مون زرین مدالی

باشون یاراسی قان وئرور قلبیم مثالی

تلّ اوسته زینب گوزلیور یاتما یارالی

آغلاتما اللرده ئولن زهرانی قارداش

غمدن اسور زانو لری

قارداش سینوب پهلولری

ای وای اباالفضل    لای لای اباالفضل

 

مجروح اولوب سینه ن سورونمه خسته خسته

سن سیز نئجه بوردان گئدیم من تلّین اوسته

قیزلار دوروبلار تلّین اوسته دسته دسته

گوز یولدا قویما دسته طفلانی قارداش

گوزلر باخور یوللاریوه

قربان اولوم قوللاریوه

ای وای اباالفضل    لای لای اباالفضل

 

عشقون یقینیم وار اولار عالمده رایج

سندن آلار کیم دردمند اولسا نتایج

سس وئر منه تک قالمیشام باب الحوائج

سیندیرما بو بی کس قالان سلطانی قارداش

قیزلاریما دلواپسم

دشمن چالور اَل، بی کسم

ای وای اباالفضل    لای لای اباالفضل

حسین غفاری



نویسنده : مهدی شریفی
تاریخ : شنبه ۱٩ مهر ۱۳٩۳
زمان : ٥:٠٦ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا