متن نوحه های اهل بیت عصمت و طهارت

وفات حضرت رباب
کلمات کلیدی :نوحه، حضرت رباب، ای کربلانون، حسین غفاری
نظرات ()

سبک : ای کربلانون ...

گونلر قباقینده ننون جان وئردی اصغر

جانین سنه یثربده قربان وئردی اصغر

هجرونده قلبین داغلادی

جانی چیخینجاق آغلادی

باشینده قاره      گیتدی مزاره

 

شش ماهه آهوسین ایتیرمیشدی مَلردی

گاهی سنی اولدوز بیلوب گویده گزردی

گهوارووه لای لای دیوب بوش ترپدردی

گلدی اجل هجرانه پایان وئردی اصغر

گهواروون دلبسته سی

گوز یومدی هجران خسته سی

باشینده قاره      گیتدی مزاره

 

آهوسی اوخلانمیشدی دشت کربلاده

آغلاردی زهرا آغلیان صحن و سراده

درمان گزوردی دردینه دار الشفاده

دردون اونی ئولدوردی درمان وئردی اصغر

گوز یاشلی دلدارون سنون

بی کس عزادارون سنون

باشینده قاره      گیتدی مزاره

 

بیر گون سنی رویاده گورمیشدی یارالی

آلموشدی آغوشه سنی باشی بلالی

ئوپموشدی یاروندن خانم زهرا مثالی

گوز یاشینه اُل بوسه فرمان وئردی اصغر

اشکیله دولدوردی گوزین

قبره آپاردی چوخ سوزین

باشینده قاره      گیتدی مزاره

حسین غفاری



نویسنده : مهدی شریفی
تاریخ : دوشنبه ٢۱ مهر ۱۳٩۳
زمان : ٩:٥٥ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا