متن نوحه های اهل بیت عصمت و طهارت

وفات حضرت زینب
کلمات کلیدی :شبانگاهان، نوحه، حضرت زینب، حسین غفاری
نظرات ()

سبک : شبانگاهان

حسین جان بو شهر غربتده دوشموشم دیلدن بی قرارم گَل

قالوبدی آخر زمانیمده گوزلریم یولدا انتظارم گل

یوبانما ای شاه مظلومان       سنه بی کس زینبون قربان

بی قرارم گل    انتظارم گل

 

گلایه ام وار قاره بختیم دن هاردا گُل اکدیم گلشنیم سولدی

باخوب سولموش گلشنه دائم قلبیم اودلاندی گوزلریم دولدی

اوشاقلیقدان بیر قرا معجر بیرده بزم ماتم منیم اولدی

یانور جسمیم نار سوزاندا شمعلر مثلی شعله بارم گَل

یوبانما ای شاه مظلومان       سنه بی کس زینبون قربان

بی قرارم گل    انتظارم گل

 

قولی باغلی قصر خضراده دشمنین عزت رشته سین قیردیم

یتیشدیم هر شهره همتلن دین اسلامون پرچمین ووردیم

ابوالفضلی سسله دیم داده دشمنان قرآنی سیندیردیم

دیدیم منده قارداشیم مثلی دین اسلامه جان نثارم گَل

یوبانما ای شاه مظلومان       سنه بی کس زینبون قربان

بی قرارم گل    انتظارم گل

 

سنه خاطر سیل کیمی توکسون گوزلریم اشک بی ریا ایستر

ویرنده جان عاشقین گوگلی وصل دلدار دلربا ایستر

منیم اما گوگلوم آی قارداش بیر سنی بیرده کربلا ایستر

یاتاندان سن قانلی مقتلده دوتموشام ماتم داغدارم گل

یوبانما ای شاه مظلومان       سنه بی کس زینبون قربان

بی قرارم گل    انتظارم گل

حسین غفاری



نویسنده : مهدی شریفی
تاریخ : چهارشنبه ٢۳ مهر ۱۳٩۳
زمان : ۱٢:٠٩ ‎ق.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا