متن نوحه های اهل بیت عصمت و طهارت

حضرت عباس
کلمات کلیدی :کلامی، نوحه، حضرت عباس، من آقامین نوکر درباری ام
نظرات ()

سبک: من آقامین نوکر درباری ام

من آقامین نوکر درباری ام                   قورخولی صحراده علمداری ام

سقایم ای قوم         عطشان حسینه

جانِ اباالفضل         قربان حسینه

 

ای یولوم اوستونده دورانلار بیلون     حل ائدرم من بو سویون مشکلون

تشنه لر آغلور هله سیزلر گولون      یوخ شرفوز غیرتوز، اولسا ئولون

آغلور ملکلر             الآن حسینه

جانِ اباالفضل         قربان حسینه

 

آند اولا حیدر آتامون جانینه             کوفه ده محرابه آخان قانینه

آخسا قانیم حادثه میدانینه              جلوه ویرر عشق گلستانینه

اولّام فدای         پیمان حسینه

جانِ اباالفضل         قربان حسینه

 

حاضرم الساعه وئرم امتحان          تا گورَسوز کیمدی قَوی قهرمان

حیف الیمی باغلادی صاحب زمان    یوخسا ائدردیم چولی بیر پارچا قان

تا مشکل اولسون           آسان حسینه

جانِ اباالفضل         قربان حسینه

کلامی



نویسنده : مهدی شریفی
تاریخ : پنجشنبه ۸ آبان ۱۳٩۳
زمان : ٢:٠٧ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا