کوچه های سینه زنی

متن نوحه های اهل بیت عصمت و طهارت

شب عاشورا
ساعت ۸:٠٥ ‎ب.ظ روز پنجشنبه ۸ آبان ۱۳٩۳  کلمات کلیدی: کلامی زنجانی ، شب عاشورا ، کربلاده بو گئجه ، نوحه

سبک: کربلاده بو گئجه غوغا اولوب

کربلاده بو گئجه غوغا اولوب          چون شهادتنامه لر امضا اولوب

چیخما ای گون صبر ائله     دم غنیمتدور هله

 

گرمدور شوریله عباسین باشی   الده بوش مشکی، گوزونده گوز یاشی

تشنه ده هم باجیسی هم قارداشی    غصه دن غمگین دل سقا اولوب

چیخما ای گون صبر ائله     دم غنیمتدور هله

 

شمعی خاموش ائتدی فخر بوالبشر            طالبان دهر بیر بیر گئتدیلر

قالمادی الّا او یتمیش بیر نفر          عهدلر آماده ایفا اولوب

چیخما ای گون صبر ائله     دم غنیمتدور هله

 

طرح ائدوبدی هرکس اوز برنامه سین  اهل دل آلمیش اله غم خامه سین

اشکیله یازسین وصیتنامه سین         چون شب هجران عاشورا اولوب

چیخما ای گون صبر ائله     دم غنیمتدور هله

 

دولدوروب دشت غمی هجران سسی     عاشقان حضرت جانان سسی

اوج ائدوبدی گویلره قرآن سسی         بو نوا عشّاقه روح افزا اولوب

چیخما ای گون صبر ائله     دم غنیمتدور هله

کلامی