متن نوحه های اهل بیت عصمت و طهارت

حضرت عباس
کلمات کلیدی :ای باد صبا، نوحه، کلامی، حضرت عباس
نظرات ()

سبک: ای باد صبا کرب و بلایه گذر ایله

ای درس بصیرت وئرن عالملره عباس

یازدیردی خدا آدیوی پرچملره عباس

علمدار شهیدان                بو جانلار سنه قربان

 

ای انّی اُحامی دیَن، احسن او مقاله

 هر کس سنی سسلنسه چاتار قرب کماله

ایلر شهدا غبطه او جاهه او جلاله

سندن دم آلان فائق اولار غملره عباس

علمدار شهیدان                بو جانلار سنه قربان

 

حیراندی هنوز عزّتیوه نسل خوارج

الله ئوزی بازاریوی ایتدی بئله رایج

درد اهلی دییَر آهیله یا باب الحوائج

باخ لطفیله بو دیده سی پر نملره عباس

علمدار شهیدان                بو جانلار سنه قربان

 

ای نفس امامی بیلن ئوز نفسینه اولی

قارداشیوه مولا دیدون اولدون بیزه مولا

ای سینه سی دریا، لبی تشنه، ئوزی سقا 

عیسی سوؤنر سندن آلان دملره عباس

علمدار شهیدان                بو جانلار سنه قربان

 

ای پور علی مظهر ایمان آقا لبیک

لبیک حسین سسلدون ای جان آقا لبیک

نهر اوسته دوشن قولّارا قربان آقا لبیک

ثبت اولدی آدون دفتر ماتملره عباس

علمدار شهیدان                بو جانلار سنه قربان

کلامی



نویسنده : مهدی شریفی
تاریخ : یکشنبه ۱۱ آبان ۱۳٩۳
زمان : ٦:٤٩ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا