متن نوحه های اهل بیت عصمت و طهارت

حضرت عباس
کلمات کلیدی :کلامی، نوحه، حضرت عباس، یخیلدی سقا یره
نظرات ()

سبک: یخیلدی سقا یره

یخیلدی سقا یره باش یارالی قان گلور

او سسلنور یا حسین داده اوخ ووران گلور

یا حسین یا حسین گل هرایه هارداسان

گلدی زهرا آنام کربلایه هارداسان

 

دوزدی بلالی اولار پهلوان لارین باشی

دعوا گونونده سینار قهرمانلارین باشی

قوی اولسون بو داستان داستان لارین باشی

قولسوز علمدار اولوب باش یارانلارین باشی

یاردیلار باشیمی بیر آغیر عمودیله

دوشموشم تپراقا یاره لی وجودیله

 

من سنی ای یوسفیم ساتمادیم اهریمنه

قالدیم بویاندیم قانا منّت اولماسین سنه

بسدی فقط فاطمه لای لای دئسون منه

او سسله سین جان بالا من ده دیوم جان ننه

گلدی زهرا ولی سینه سی یارالی دی

قلبیمی یاندیران نیلگون جمالیدی

 

غملی امان نامه نین ماجراسی بیر یانا

قیزلاریوین قورخوردان آه و واسی بیر یانا

پرچم توتان اللرین ابتلاسی بیر یانا

بو یاره لر بیر یانا دل یاراسی بیر یانا

طعنه دشمن وورور قلبیدن یارالیام

خالی مشگیم کیمی من ده دست خالیام

کلامی



نویسنده : مهدی شریفی
تاریخ : دوشنبه ۱٢ آبان ۱۳٩۳
زمان : ٢:٢۱ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا