متن نوحه های اهل بیت عصمت و طهارت

حضرت زهرا علیها سلام
کلمات کلیدی :حضرت زهرا، نوحه، کلامی، چو گیسوی تو من
نظرات ()

سبک: چو گیسوی تو من

عم اوغلی گل دولانیم باشیوه سنده گوزوم وار

سوروش احوالیمی دلده سنه گیزلین سوزوم وار

شه مردان عم اوغلی         اوخی قرآن عم اوغلی

یارالی جانیم اولسون           سنه قربان عم اوغلی

منی سال یولا        گول ایستور صولا          عم اوغلی جان عم اوغلی

 

دیمم دوشدی سنه خاطر منیم باشیم بلایه

 امامیم سن بیلورسن ایتمرم غمدن گلایه

ولی اُفّ اولسون عالمده بو قوم بی وفایه

سنی تک قویدولار قلبیم منیم گلدی نوایه

اولوب دوران عم اوغلی            منه زندان عم اوغلی

یولا سال مصطفایه           گئدیم مهمان عم اوغلی

منی سال یولا        گول ایستور صولا          عم اوغلی جان عم اوغلی

 

منی قرآن کیمی تاپشوردی پیغمبر امانت

ولی اهل مدینه وئرمدی بو لعله قیمت

بابام آلسا خبر یوزده ندی نیلی علامت

اونا عرض ایلرم وردی منی اهل شقاوت

بو حاله یان عم اوغلی        دم هجران عم اوغلی

کسیلمز غسل ایدنده               سینمدن قان عم اوغلی

منی سال یولا        گول ایستور صولا          عم اوغلی جان عم اوغلی

 

عم اوغلی اولماسام من، سینه سین داغلار حسینیم

غمیمده قاره عمامه باشا باغلار حسینیم

بویور زینب باشینون اوسته قویسون هر گئجه سو

بیلورسن که سو تز تز ایچمسه آغلار حسینیم

اولار هر آن عم اوغلی    گوزوم گریان عم اوغلی

حسینیم کربلاده                ئولر عطشان عم اوغلی

منی سال یولا        گول ایستور صولا          عم اوغلی جان عم اوغلی

کلامی



نویسنده : مهدی شریفی
تاریخ : سه‌شنبه ۱۳ آبان ۱۳٩۳
زمان : ٩:٤٦ ‎ق.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا