متن نوحه های اهل بیت عصمت و طهارت

حضرت عباس
کلمات کلیدی :کلامی، نوحه، تا مشکتو تو آب زدی، حضرت عباس
نظرات ()

سبک: تا مشکتو تو آب زدی

آچ گوزلـرون گلدیـم اخـا باشیوی اللّردن آلام

اطرافیمی دشمن‌آلوب دور راضی‌اولما تک‌قالام

دوشوب قولاّرون بدندن قارداش آرالی

قالوب گُل جسمون بو نخلستانـدا یارالی

سوسوز سقّا خیمه‌ده یـول گوزلور رقیّه

دییـور الله تشنــه‌دی ربــابین مــارالی

اباالفضل

 

از بس که صیّاد اوخ وروب ام البنین اصلانینه

عاجـزدی هـر حاذق طبیب بو یاره‌لر درمانینه

الـی سینسین آنیّـوا اوچ پـر اوخ ورانیـن

گوزی چیخسین گوزلریوه قان دولدورانین

یورولمازدون قهرمان قارداش هیچ زمان سن

ذلیل اولسـون شیـرمی میدانـدا یورانـین

 

فـرمانده جنگیم اویـان غیرتلی سرهنگیم اویان

سنسیز بو داغلی سینه‌ده واردی غم آهنگیم اویان

ایاقـه دور چاره قیل وحشتلی بناته

باب الحـوائج دوشوب زینب مشکلاته

سـوا خاطر تیرباران اولدون عزیزیم

قان اولسون سو باخ منه باخما سن فراته

 

طلعتده اوخشار آی سنه والّلهی گلمز تای سنه

یوخدور یانوندا گر آنان زهرا دییر لای‌لای سنه

دیدون لبیک حضرت داداره ابوالفضل

عوض ویرسون حق بیله ایثاره ابوالفضل

باتوب قانه‌ پرچم اسلامی اوجاتدون

گییـر زینب ماتمونـده قـاره ابـوالفضل

کلامی



نویسنده : مهدی شریفی
تاریخ : یکشنبه ۱۸ آبان ۱۳٩۳
زمان : ۱۱:٢٤ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا