متن نوحه های اهل بیت عصمت و طهارت

اربعین
کلمات کلیدی :کلامی، اربعین، ای نامت از دل و جان، نوحه ترکی
نظرات ()

سبک: ای نامت از دل و جان

ای یار بی کفنیم دلده منیم نهفته رازیم وار

هجران بوکدی بئلیمی دوت الیمی سنه نیازیم وار

سفر تمامه گلوب            باجون سلامه گلوب

نئجه دؤزوم بو نازه قارداش             دور ایندی پیشوازه قارداش

 

بو غملی موکبه باخ زینبه باخ ئورک دونوب قانه

باشیوا دور دولانیم قویما یانیم مثال پروانه

سنون قانون توکولوب               منیم بئلیم بوکولوب

خوشام بو سوز و سازه قارداش             دور ایندی پیشوازه قارداش

 

ال چاتمور دامنیوه گلشنیوه اَسوب بلا بادی

مقتلده چیخدی جانون وئردی قانون پیام آزادی

فدا شهامتیوه               او قانلی نهضتیوه

چاتوبسان امتیازه قارداش             دور ایندی پیشوازه قارداش

 

دوشدی آلامه باجون شامه باجون ئورکده قان گئتدی

قیزلارین ناله لری نوحه لری منی کباب ائتدی

رقیه شامی آلوب            خرابه لرده قالوب

نئجه گئدوم حجازه قارداش             دور ایندی پیشوازه قارداش

 

اوچ یاشدا نازلی بالا حالدان حالا دوشوب فراقونده

گوردی لبلرده قانی چیخدی جانی دوداق دوداقونده

سلام ائدوب او باشا             آز عمری گلدی باشا

دل آچمادی نیازه قارداش             دور ایندی پیشوازه قارداش

 

قازدی قبرین ئوز الیم تا گؤزلیم همیشه­لیق یاتسین

دشمن ئولدوردی اونی ووردی اونی ستاره تک باتسین

ایشیقلی اولدوزیدی             سن ایستیَن قیزیدی

سس آت او طفل نازه قارداش             دور ایندی پیشوازه قارداش

کلامی زنجانی



نویسنده : مهدی شریفی
تاریخ : چهارشنبه ٢٦ آبان ۱۳٩٥
زمان : ۸:٤۳ ‎ق.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا