متن نوحه های اهل بیت عصمت و طهارت

اربعین
کلمات کلیدی :اربعین، آتدان یره چون دوشدی، ستوده زنجانی، نوحه ترکی
نظرات ()

سبک: آتدان یره چون دوشدی

دور قارداش حسین زینب گلدی گینه دیداره

عباسیله اُل همدم سس وئر منِ بی یاره

آی قارداش آی قارداش زینبون گلدی

قبریوین اوستونده قلبیم دینجلدی

 

بو چولده حسین قالدی جسمون یارالی عریان

اوخ نیزه یاراسیندان قارداش سوزولوردی قان

اُل شمر دنی کسدی دالدان باشیوی عطشان

سس وئر سسیوه قربان سن زینب غمخواره

 

دای قمچی ووران یوخدی یورقون بالالار گلدی

ای وای بالا سسلوللر مظلوم آنالار گلدی

شش گوشه مزاریندن عطرین آلالار گلدی

خوش گلدون ائله قارداش سن بو بالا قیزلاره

 

قرخیندا حسین گلدوم بو چولده عزادارم

یورقون باجیوام قارداش من قبریوه زوّارم

بوردان گئده لی یورقون قیزلاره پرستارم

شکر ایلرم اللّهه یاری یتوروب یاره

 

هر غملی مصیبتدن ویرانه چتین اولدی

ایستکلی بالان هر گون گل تک سارالوب سولدی

گوز تیکدی او یوللاره گوزلر یاشیلان دولدی

سسلردی علی اکبر سس وئر منِ بیماره

ستوده زنجانی



نویسنده : مهدی شریفی
تاریخ : چهارشنبه ٢٦ آبان ۱۳٩٥
زمان : ٥:۱٧ ‎ب.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا