متن نوحه های اهل بیت عصمت و طهارت

فرزندان حضرت زینب
کلمات کلیدی :فرزندان حضرت زینب، کلامی، آتدان یره چون دوشدی، نوحه
نظرات ()

سبک : آتدان یره چون دوشدی

یا فاطمه آهیله باخ قانلی بیابانه       زینب ایکی قربانین یولّور باتالار قانه

سید مظلومان تنها قالوبدی        زینبین گوزلری یولدا قالوبدی

 

گَتدی ایکی دلدارین اغیاری اوتاندیردی

عرض ادب ائتدیقجا عالملری یاندیردی

اوغلانلارینی شاهین  باشینه دولاندیردی

گویا قدم شمعی ئوپدی ایکی پروانه

 

عرض ائتدی حسین بونلار نورِ دل خواهر دی

بیر جوت بالا اولادِ عبداللهِ جعفردی

بو نوکر اکبردی بو خادم اصغردی

تقدیم حضور اولدی بیر جوت گل و پروانه

 

اولسیدی جهاد اذنی نسوانه شریعتده

ایلردی باجون قربان جان ، اوّلِ نوبتده

اوغلان لاریمی وِرَّم تا روز قیامتده

زهرانی اِدَم دعوت گلزارِ شهیدانه

کلامی



نویسنده : مهدی شریفی
تاریخ : یکشنبه ٥ آذر ۱۳٩۱
زمان : ٧:٥٤ ‎ق.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا