متن نوحه های اهل بیت عصمت و طهارت

حضرت علی اکبر
کلمات کلیدی :حضرت علی اکبر، کلامی، آتدان یره چون دوشدی، نوحه
نظرات ()

سبک : آتدان یره چون دوشدی

آتدان یره چون دوشدی لیلانین عزیز اوقلی

بیلمم نه حالا قالدی زهرانین عزیز اوقلی

سو یرینه ایچدی قان علی اکبر          روحی لک الفدا جان علی اکبر

 

مظلوم آتاسی گلدی اکبر باشینون اوسته

گوردی بویانوب قانه دردانه دلخسته

آلدی دیزینون اوسته قانلی باشی آهسته

اوپدی بالاسین شاه مردانین عزیز اوقلی

سو یرینه ایچدی قان علی اکبر          روحی لک الفدا جان علی اکبر

 

سسلندی گولوم لای­لای آرام دلیم لای­لای

دور تترور الیم لای­لای لای­لای گوزلیم لای­لای

سن جدیوه مهمانسان قوی منده گلیم لای لای

ای لیلی محزون و نالانین عزیز اوقلی

سو یرینه ایچدی قان علی اکبر          روحی لک الفدا جان علی اکبر

 

میداندا گولور دشمن آغلور شه بی یاور

سسلور یارالی اوغلون بلکه اویانا اکبر

صدپاره اولوپ پیکر قانیله دولوپ گوزلر

قرآنه اولوپ قربان مولانین عزیز اوقلی

سو یرینه ایچدی قان علی اکبر          روحی لک الفدا جان علی اکبر

 

سسلندی علمداری گَل دادیمه قارداشیم

سسلن گله میدانه فِتیان بنی هاشم

نعشی گوتورون یردن دوئندی قانا گوزیاشیم

دوغراندی سوسوز شاه عطشانین عزیز اوغلی

سو یرینه ایچدی قان علی اکبر          روحی لک الفدا جان علی اکبر

کلامی



نویسنده : مهدی شریفی
تاریخ : یکشنبه ٥ آذر ۱۳٩۱
زمان : ٧:٥۸ ‎ق.ظ


مرجع دریافت ابزار و قالب وبلاگ
Design By : Ashoora.ir










پایگاه جامع عاشورا