نوحه اربعین در حرم حضرت معصومه

سبک: کربلاده بو گئجه غوغا اولوب

ای خانم معصومه قربان قبریوه           گلمیشوق آهیله مهمان قبریوه

لطف ایله آواریوخ            اربعین زواریوخ

 

مژده وئر کاخ ستم بر باد اولوب

زینب عمّه­ن شامیدن آزاد اولوب

همدم اونلان حضرت سجّاد اولوب

آغلاشور آل عبا         دیلده شوق کربلا

 

سن رضایه غملی خواهرسن خانم

دختر موسی بن جعفرسن خانم

سن عزاداری چوخ ایسترسن خانم

قیل بو جمعه التفات          وئر عزاداره برات

 

آغلاروخ بیز عمّه­وین اُل حالینه

غملی گلدی کعبه­ی آمالینه

گلمدی بیر کیمسه استقبالینه

هی دیدی قارداش اویان           ای منی بی کس قویان

 

سن خانم دردانه­ی مظلومه سن

کنز عصمت گوهری، مغمومه سن

دلغمین هجران چئکن معصومه سن

ای فراقه مبتلا        باخ بیزه جان رضا

 

ایلده شیعه هر محرّم هر صفر

یا قُما یا مشهده ایله سفر

چون حرمده کربلا آدی گلر

اَبر تک گوزلر دولار          شیعه قلبی قان اولار

 

مورد لطف خدادور شهر قم

مرکز نشر ولادور شهر قم

وعدگاه اولیادور شهر قم

قبله­ی مهر و قمر           قبرون اوردا جلوه گر

کلامی

/ 0 نظر / 54 بازدید