حضرت علی اصغر

سبک : کربلاده بو گئجه غوغا اولوب

الله الله نیلسون بیکس رباب

اصغریم اولدی سوسوزدان دلکباب

سویگولوم عطشان قالوب    قلبیمه طوفان سالوب

 

الله اوچ گوندی قوناقلار تشنه دی

سو کنارینده اوشاقلار تشنه دی

غنچه تک سولموش دوداقلار تشنه دی

نیلیوب اشراره آل بوتراب

سویگولوم عطشان قالوب    قلبیمه طوفان سالوب

 

گوزلری دخت بتولین منده دی

هی دیور اوغلون ئولوب یا زنده دی

کربلا سقاسی ده شرمنده دی

قلب آل اللهیده یوخ صبر و تاب

سویگولوم عطشان قالوب    قلبیمه طوفان سالوب

 

هِچ کسی محنت ایاقدان سالماسین 

هِچ آنانون اوغلی عطشان قالماسین

بو گلی آفت الیمدن آلماسین

باغیمی باد خزان ایلوب خراب

سویگولوم عطشان قالوب    قلبیمه طوفان سالوب

کلامی

/ 0 نظر / 5 بازدید